Natalie Sindile Nyathi
Ibandla leSalvation Army ngoMgqibelo lixwayise abazalwane balo ngokumemetheka komkhuhlane wesihudo(Cholera) eZimbabwe ozwakalela ngelaseZambia okwalesi iskhathi.
Imikhankaso etshiyatshiyeneyo ithi lumkhuhlane ungaphaphatheka edolobheni laseVictoria Falls, okutholakala impophoma zamanzi, umumo ungabasengozini kubahlali bakulelo.
Ilizwe leZimbabwe leleZambia kwehlukaniswa ngumncgele womfula uZambezi okutholakala lizimpompoma.
Amalunga esonto leSalvation Army axwayiswe ngendlela okumele zilandelwe ukwenqabela ukumemetheka kW al UMKHUHLANE wesihudo, iCholera. Bakhuthaziwe njalo ukuthi nxa kuzabalembuthano abantu kumele balandele indlela ezithize zokuhlanzeka leminye imithanithani eyenelisa ukuba abantu babuthane, nxa lokhu kungalandelwanga, umbuthano ungachithwa lugatsha olubona ngezeMpila kahle.
Lokudaba komkhuhlane wesihudo lukhulunywe ekuvulweni ngokusemthethweni kwe-Enterprise Hotel nguSiKomishi webandla leSalvation Army, uWayne Bungay ongu Territorial Commander.
Ngasendulo ihotela le bekuyindlu ehlala abesilisa eyantshintshwa yaba yihotela kuyinjongo yokuthola imali.
“Ihotela le selibhukhelwe amalanga wonke aweZimbabwe International Trade Fair okuzinsuku eziyisithupha lemali yakhona sesiyitholile,” kutsho umphathi wehotela emkhosini wokuvula.
“Ngilesiqiniseko sokuthi ngesikhathi izithunywa zevangeli zihambisa ivangeli, abazange bakucabange lokhu, leyi hotela izasiza amabandla amanengi,” utshilo uBuyang.
USibonisiwe Dube, isakhamuzi sakoBulawayo yena uthe,
“Ukuvulwa kweHotela le kulethe izibusiso ezinengi ngoba kudale amathuba emisebenzi elizweni .
Phose $130 000 amadola aweseAmelika asebetshenziswe ukwakha ihotela le Enterprise.