Natalie Sindile Nyathi
Kube lokusabela okutshiyetshiyeneyo esigodlweni sakoBulawayo lapho ugatsha lwezamadale, ezomthetho ledale lephalamende (MoJLPA) lusekelwa yinhlanganiso yeCenter for Applied Legal Research (CARL) kanye lommeli weSwitzerland bebambe umhlangano wokukhulumisana lezakhamizi mayelana lesigwebo sentambo eZimbabwe.
Injongo enkulu kuyikuxoxisana labantu kudingeka imibono kazulu mayelana lesigwebo sentambo eZimbabwe.
Umthethosisekelo weZimbabwe ka2013 ngokwesigaba 48 (2) (c) kanye (d) salowoMthethosisekelo kanye lesigaba 338 soMthetho weCriminal Procedure and Evidence Act (Chapter 9:07) kuvumelani ngokuthi isigwebo sentambo asifanelanga ukwetheswa umuntu omncane oleminyaka engamatshumi amabili lanye lapho edala icala kumbe umuntu oleminyaka engaphezu kwamatshumi ayisikhombisa kanye lowesifazane.
Izakhamizi zakoBulawayo zilethe imibono etshiyeneyo mayelana ngokulungisiswa kutsha kwesigwebo sentambo elizweni njengoba abanye bebona kufanele ukuthi sihlale sikhona ngokomthethi kukanti abanye bebona kungalunganga.
“Ngibona sengathi isigwebo sentambo siqamula amalungelo abantu ngoba sisuke sithi iqula labantu abathize linquma ukuthi olandelayo uyaphila kumbe uyafa. Asizazi izimo ezifuqe lowo muntu ukuthi adale lelocala. Ngicabanga ukuthi sidinge ezinye izindlela zokubhekana lobugebengu obuthile kulokuba umuntu agwetshelwe ukufa,” kukhulume isakhamuzi sakoBulawayo uMichelle Phiri.
Uphinde waveza ukuba uba umuntu evele ehlose wazimisele udala icala elibulalisayo akukho okungammisa ukwenza khonokho.
“Nxa umuntu esezimisele ukwenza ulutho olubi uyalwenza loba esazi ukuthi uzofela ejele. Asehlisi amacala okubulala isijeziso sentambo, Kulabantu abakwazi ukuba bazafela ejele kodwa azimisele ukuthi awone ebesefela entolongweni,”
“Nxa sihlala sisebenzisa isigwebo sokufa njengendlela yokuvimbela abantu ukuthi babambelele emithethweni, akulunganga ngoba kufana lokuthi ilizwe lihlale lilokwethusa abantu balo ngakho-ke ngicabanga ukuthi zinengi izindlela abantu abangazenza ukuze bavimbe ubugebengu ukuthi bungenzeki, ngakho-ke angicabangi ukuthi ngenxa yokuthi umuntu ubulele kufanele sibulale impilo yakhe”, kuchaza uJared Mubako.
“Mina ngithi isigwebo sentambo sifanele labo abadlwengula abantwana ngoba vele sebechithe ikusasa lalowomntwana,” kutsho isakhamuzi seMatopo uJoel Moyo.
Ezinye zezakhamizi bezingahambisani lokuqedwa kwesigwebo sentambo.
“Nxa umuntu esazi ukuthi ubulele ngamabomu uzalengiswa kunganceda ukwehlisa amacala okubulala,” kutsho uNathan Muronzi isakhamuzi sakoBulawayo.
UMuronzi uphinde wengeza ngokuthi isigwebo sokulengiswa siqala kuminyaka elitshumi lesitshiyagalombili njalo abesifazana bahlalanjalonje bekhalela ukulingana labesilisa bgakhoke u cabangela ukuba isigwebo sentambo besetheswe labo omama.
“Isigwebo sentambo asihambisane leminye imithetho.”
“Ukuxola akungeke kube khona loba umuntu esephiwe isigwebo sokulengiswa kodwa kuhle ekuthini liyabe selikwazi ukuthi lowo muntu ngeke waphenduka wabulala futhi emphakathini. There might be a bit of peace”, kutsho isikhulumi sePhalamende.
“Intethelelo ayisoze yaba khona loba umuntu enikwe isigwebo sentambo ngokulengiswa kodwa leso siqiniseko sokwazi umphakathi sesiphephile ekubulaweni. Kuba khona ukuthula kancane”
UMlingo uphinde waveza ukuthi kungagcono labo abageetshelwa ugodo banikezwe uhulumende beyesenza gadalala kokuphela.
“Ababulali kabahambe bayesebenza emapulazini elizwe besiproducele ukuze sibenefit ngokuganga kwabo kulokukuthi bagcinwe ngamatax ethu.”
EZimbabwe isigwebo sentambo ngokulengiswa sagcina ukukhitshwa ngo-2005.