25 February 2022
Shamila Ntokozo Mdlongwa
www.zimgbcmedia.co.zw
Umporofitha odume kakhulu, uProphet Mudenda usephe isibonakaliso athi sivela kuNkulunkulu ukuba ibandla eliphikisayo lizanqoba kukhetho luka 2023.
Ibandla eliphikisayo, Citizens Coalition for Change (CCC) likhokhelwa ngumnumzane uNelson Chamisa.
UMudenda ngumporofitha webandla
leEmbassy of God Ministries. Lelibandla ngelinye lamabandla ezenkolo ezikholalwa ukuba abakhokheli (Prophets) bakhona bayaboniswa okuzakwenzakala empilweni zabantu.
Badume ngokwenza imithanithani abathi yizimanga (miracles) lokuboniswa.
Isibonakaliso uProfethi Mudenda athi usibonisiwe nguNkulunkulu ubekhuluma ngaso kumfanekiso odlalayo (ivideo) etholakala kumthombo wokuxhumana iYouTube.
Uthi yena uNkulunkulu umbonise ukuba ibandla eliphikisayo kwezombusazwe lizanqoba kukhetho luka2023.
Uqhubekele phambili njalo esithi ubone amabutho athunywe ukuyahlasela izakhamizi efika ehlamuka.
UMudenda udume ngesimangaliso asenzayo ngemva kokukhulukela umfazi owayeyinyumba okwemnyaka eyisikhombisa wazala.
Banengi abanye abafundisi ikakhulu abalezinsuku abathi bayaboniswa nguNkulunkulu ngezombusazwe, omunye wabo ngumporofitha uAlpha.
UAlpha uthi waboniswa ukuba ilizwe leZimbabwe lidinga umkhokheli ongumuntu osakhulayo.
Zim GBC news
Classified Ads
For:
Bookeping services, Accounting services
- ZIMRA TAX clearance
-ZIMRA Audits
Payroll services,
Human resources,
Labour issues
Contact GBC Accounting on +263 718 879 398_