\nhttps:\/\/chat.whatsapp.com\/GcYNj0FI1yaJ959fOgqBCx\n<\/div><\/figure>\n\n\n\n
Inani labantu elabulawayo libaliswa lisedlula (20 000 write this in siNdebele).<\/p>\n\n\n\n
Abantu abanengi babulawa kabuhlungu ngendlela ezingeke zaphindwa, abanye babedatshulwa izisu bephila, abanye bequnywa izitho zomzimba, njenge ndlebe, iminwe, izandla lokunye nje.<\/p>\n\n\n\n
Abanye babulawa bebanengi ngasikhathi sinye bajikelwa bangcwatshwa kugodi linye.<\/p>\n\n\n\n
Manengi amangcwaba anjalo ku Matabeleland jikelele, elinye liyileli elise Kezi I Bhalagwe.<\/p>\n\n\n\n
Kuthe ngokunanzelela inani labantu abalele kulowo mgodi iqembu leZAPU beselibone kufanele ukuba lihloniphe leyondawo ngokuyakhela ngamatshe basebeyitha ibizo elithi \u2018ilitshe lesikhumbuzo\u2019<\/p>\n\n\n\n
Lokhu bakwenzela ukuthi abantu abalokhe belenhliziyo ezophayo ngokulahlekelwa yizihlobo zabo bathole ukududuzeka lapho bebona behlonitshwa.<\/p>\n\n\n\n
Emavikini ambalwa adluleyo bekubikwa ukuthi kulabantu asebekhipha amatshe la bewasebenzisa ukwakha izinto ezitshiyeneyo ngakho abebandla leZAPU bebelokhu besadinga abantu abenza ulunya olungaka<\/p>\n\n\n\n
Umnunzana Sibangilizwe Nkomo obevakatsele leyondawo ngoMgqibelo ukuyohlola ubika ukuba kulabantu abahlasele ilitshe lelo balidiliza batshisa kwasala kuzimvuthu.<\/p>\n\n\n\n
\u201dInto eyenzakale eBhalagwe yinto elihlazo kakhulu, into embi enyanyekayo. Kuyinhlamba esizweni samaNdebele njalo kuyikudelela lokhu\u201d, kutsho uSibangilizwe Nkomo<\/p>\n\n\n\n
USibangilizwe Nkomo ngomunwe wabantwana abazalwa liqhawe lezwe le Zimbabwe, umuyi u Joshua Mqabuko Nyongolo Nkomo, olele endaweni yamaqawe I Heroes Acre.<\/p>\n\n\n\n
Ekufikeni kwakhe umnumnzane uNkomo uthi ufike wakhala kakhulu ngoba ebona ukuba abantu abenze lokhu bebelenhloso yokutshengisa ukungahloniphi njalo kuyikugolomba abantu.<\/p>\n\n\n\n
\u201cNgitshone khonaphana okonakale khona ngikhala, ngikhalela abantu bethu ababulawa khonapho njalo ngithiyile ukuthi ngibona lawomagwala ayenza amahlazo anje ngobusuku ukuthi asondele eduze sikhulume\u201d, kuqhubeka uNkomo.<\/p>\n\n\n\n
Uthi isenzo lesi sivusa amanxeba ebantwini abafelwa yizihlobo zabo ngendlela ebuhlungu kukanti njalo inengi lafela ize.<\/p>\n\n\n\n
Umnumzana uNkomo ocabangela ukuthi abantu abenza ulunya olungaka kubangaba ngabeqembu le ZANU-PF, uthi lokhu kufana lokuthela isawudo esilondeni esivulekileyo njalo kulihlazo esizweni samaNdebele ngoba kutshengisa ukungahloniphi imizimba yabantu abafayo.<\/p>\n\n\n\n
\u201cSizama ukuziduduza lokuhlonipha abantu bethu ababulawa kabuhlungu kuthiwa ngamawuwu besifa egameni leZAPU, besifa egameni likaNkomo. Lokhu okwenzakeleyo kuyingumbamazwi ngokunjalo asisenakuthula, sesifuna isisombuluko ngokufa kwabantu bethu.<\/p>\n\n\n\n
Sifuna ukwazi ukuthi omama ababezithwele babedlwengulwelwani, bedatshulwa izisu kuthiwa bathwele abathengisi. Sidinga i justice ngoba ukuthula kwethu sekusuka kubengathi asilandaba lezihlobo zethu ezafayo\u201d, kulandisa uMnumzana Sibangilizwe Nkomo.<\/p>\n\n\n\n
Nyakenye umkhokheli weqembu elibusayo i Zanu-PF ongumkhokheli welizwe uMnuzana Emmerson Mnangagwa usungule uhlelo lokubq indaba ye Gukurahundi ihlangululwe njalo iqgitshwe. Kusenjalo uhlabezulu uyalusola loluhlelo ngoba luvalela amaqembu amanengi ayencedisa abangaphathekanga ngesehlakalo se Gukurahundi.<\/p>\n\n\n\n
Amaqembu abizwa yikuba Bulawayo Collective, amiswa ukuba bequbeke ngendlela zabo zokuzama ukukhulumisana lohulumende ngodaba lwe Gukurahundi.<\/p>\n\n\n\n
Umnu. Mnangagwa wanikeza uhlelo lwe Gukurahundi kuziNduna zezigaba ezehlukeneyo zelizwe.<\/p>\n\n\n\n
Kusenjalo ihulumende kumbe amapholisa akula nyathelo esilithethe ukutshengisa ukungavumelani lezigilamkhuba ezidilize leyondawo ngokunjalo umnumnzana Sibangilizwe Nkomo uthi kufanele kube lesisombuluko ngendaba yeGukurahundi.<\/p>\n","protected":false},"excerpt":{"rendered":"
11 January 2022Londiwe Dube Ongumkhokheli weqembu leZAPU, umnumnzana Sibangilizwe Nkomo ubikwa ekhala ezimathonsi ngemva kwesehlakalo sokudilizwa kwelitshe eliyisikhumbuzo sabantu abafa ngeGukurahundi eBhalagwe esempumalanga yeMatebeleland, eKezi. Indawo le yaziwa ingumgodi osentabeni,… <\/p>\n","protected":false},"author":1,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[5],"tags":[],"class_list":["post-600","post","type-post","status-publish","format-standard","hentry","category-main-stories"],"_links":{"self":[{"href":"http:\/\/zimgbcnews.co.zw\/index.php?rest_route=\/wp\/v2\/posts\/600","targetHints":{"allow":["GET"]}}],"collection":[{"href":"http:\/\/zimgbcnews.co.zw\/index.php?rest_route=\/wp\/v2\/posts"}],"about":[{"href":"http:\/\/zimgbcnews.co.zw\/index.php?rest_route=\/wp\/v2\/types\/post"}],"author":[{"embeddable":true,"href":"http:\/\/zimgbcnews.co.zw\/index.php?rest_route=\/wp\/v2\/users\/1"}],"replies":[{"embeddable":true,"href":"http:\/\/zimgbcnews.co.zw\/index.php?rest_route=%2Fwp%2Fv2%2Fcomments&post=600"}],"version-history":[{"count":1,"href":"http:\/\/zimgbcnews.co.zw\/index.php?rest_route=\/wp\/v2\/posts\/600\/revisions"}],"predecessor-version":[{"id":601,"href":"http:\/\/zimgbcnews.co.zw\/index.php?rest_route=\/wp\/v2\/posts\/600\/revisions\/601"}],"wp:attachment":[{"href":"http:\/\/zimgbcnews.co.zw\/index.php?rest_route=%2Fwp%2Fv2%2Fmedia&parent=600"}],"wp:term":[{"taxonomy":"category","embeddable":true,"href":"http:\/\/zimgbcnews.co.zw\/index.php?rest_route=%2Fwp%2Fv2%2Fcategories&post=600"},{"taxonomy":"post_tag","embeddable":true,"href":"http:\/\/zimgbcnews.co.zw\/index.php?rest_route=%2Fwp%2Fv2%2Ftags&post=600"}],"curies":[{"name":"wp","href":"https:\/\/api.w.org\/{rel}","templated":true}]}}